ଶିଳ୍ପ ଏବଂ ହସ୍ତଶିଳ୍ପ
ଜିଲ୍ଲା ଶିଳ୍ପାଞ୍ଚଳ, ଗଞ୍ଜାମ, ବ୍ରହ୍ମପୁର
ଲକ୍ଷ୍ୟ ଏବଂ ଭୂମିକା
ଜିଲ୍ଳା ଶିଳ୍ପକେନ୍ଦ୍ର ଗଞ୍ଜାମ, ବ୍ରହ୍ମପୁର ଉପ ପରାମର୍ଶ କେନ୍ଦ୍ର, ଜିଲ୍ଲା ଶିଳ୍ପ ଉନ୍ନୟନର ବିକାଶ ଦିଗରେ କାର୍ଯ୍ୟ କରୁଅଛନ୍ତି । ଆଇପିଆର୍ ୧୯୮୦,୧୯୯୨, ୧୯୯୬ ଏବଂ ୨୦୦୧ ମହିହାରେ ରାଜ୍ୟ ସରକାରଙ୍କ ଦ୍ୱାରା ବିଭିନ୍ନ ଶିଳ୍ପର ଅଭିବୃଦ୍ଧି ନିମନ୍ତେ ପ୍ରୋତ୍ସାହନ ଯୋଗାଇ ଦେବାର ଘୋଷଣା କରାଯାଇଅଛି । ମାର୍ଚ୍ଚ ୨, ୨୦୦୭ ମସିହାରେ ଏକ ନୂତନ ଆଇପିଆର୍-୨୦୦୭ ରାଜ୍ୟ ସରକାରଙ୍କ ଦ୍ୱାରା ଘୋଷିତ ହୋଇଅଛି । ଏହା ଅତିରିକ୍ତେ କ୍ଷୁଦ୍ରହାର ସେକ୍ଟର ଗୁଡ଼ିକର ଅଭିବୃଦ୍ଧି ନିମନ୍ତେ ଭାରତ ସରକାର ଅନେକ ଗୁଡ଼ିଏ ସୂତ୍ରପାତ ନୀତି ନିର୍ଦ୍ଧାରଣ କରିଛନ୍ତି । ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ, କୁଟୀର ଶିଳ୍ପ ଆଦିର ଉନ୍ନତିରେ ଗଞ୍ଜାମ ଜିଲ୍ଲା ସାମର୍ଥ୍ୟତା ଲାଭ କରିଛି ।
ଅଣୁ ଓ କ୍ଷୁଦ୍ର ଉଦ୍ୟୋଗ (ଏମ୍ଏସ୍ଇ) ସ୍ତରୀୟ
ସମଗ୍ର ଜିଲ୍ଲାରେ ୩୧/୦୩/୨୦୧୨ ମସିହା ପର୍ଯ୍ୟନ୍ତ ୯୪୧୦ ସଂଖ୍ୟକ ଅଣୁ ଓ କ୍ଷୁଦ୍ର ଉଦ୍ୟୋଗ ଟ. ୨୫୯.୯୧ କୋଟିର ପୁଞ୍ଜିଲଗାଣରେ କାର୍ଯ୍ୟକାରୀ ହୋଇଅଛି । ଯାଦ୍ୱାରା ୪୨,୪୯୩ ଜଣ ବ୍ୟକ୍ତିଙ୍କୁ ପୁନର୍ନିଯୁକ୍ତି ପ୍ରଦାନ କରାଯାଇଛି । ଏତଦ୍ବ୍ୟତୀତ ଡିଆଇସି, ଗଞ୍ଜାମ ଉଦ୍ୟୋଗକାରୀମାନଙ୍କୁ ସ୍ମାରକ ସଂଖ୍ୟା-II, ୩୭୮୧ ଏମ୍ଏସ୍ ଏମ୍ଇ ଉଦ୍ୟୋଗ ୩୧/୦୩/୨୦୧୨ରେ ସ୍ଥାୟୀ ପଞ୍ଜିକରଣ ପ୍ରମାଣପତ୍ର (ପିଏମ୍ଟି) ନିର୍ଗମନ କରିଛନ୍ତି । ଏମାନଙ୍କ ମଧ୍ୟରେ ଅଧିକତର କୃଷି ଭିତ୍ତିକ, ଖାଦ୍ୟ ପ୍ରକିୟାକରଣ, ଶିଳ୍ପ ସମ୍ବନ୍ଧୀୟ ଓ ଆନୁଷଙ୍ଗିକ ଖଣିଜ ସମ୍ପଦ ଭିତ୍ତିକ (ଗ୍ରାନାଇଟ୍, ପଥର ଚିପ୍ସ ଇତ୍ୟାଦି), ଆବଶ୍ୟକ ତୈଳ ଏବଂ ଅନ୍ୟାନ୍ୟ ସେବାକ୍ଷେତ୍ରରେ କର୍ଯ୍ୟ କରୁଛନ୍ତି ।
କ୍ଷୁଦ୍ର ଉଦ୍ୟୋଗ ସମୂହ
ଏମ୍ଏସ୍ଏମ୍ଇ ଉନ୍ନୟନ ଅନୁଷ୍ଠାନ ଏବଂ ୟୁଏନ୍ଆଇଡିଓଙ୍କ ସହିତ ଶିଳ୍ପ ନିର୍ଦ୍ଦେଶକ, ଓଡ଼ିଶା, ପରାମର୍ଶ କରି ଗଞ୍ଜାମ ଜିଲ୍ଲାର ନିମ୍ନଲିଖିତ ଉଦ୍ୟୋଗ ସମୂହର ଉନ୍ନୟନ ନିମିତ୍ତ ଘୋଷଣା କରିଛନ୍ତି । ଶିଳ୍ପ ନିର୍ଦ୍ଦେଶାଳୟ ଦ୍ୱାରା ଏହି ସମୂହ ଉନ୍ନୟନକୁ ତଦାରଖ କରିବା ନିମନ୍ତେ ନିମ୍ନ ପଦକ୍ଷେପମାନ ନିଆଯାଇଅଛି । ଏହି ସମୂହ ଉନ୍ନତିକରଣ ଯୋଜନା ନିମନ୍ତେ ଶିଳ୍ପର ନିର୍ଣ୍ଣାୟକ ବିଚାର ଓ ଆବଶ୍ୟକୀୟ ମିଟିଂ, ଯାହା ସହଜ ସହାୟକ ହେବା ସହିତ ମୃଦୁ ଓ ଦୃଢ ଉତ୍ପାଦନର ସହାୟତା ନିମନ୍ତେ ଏମ୍ଏସ୍ଇସିଡିପି ଅଧିନରେ କରାଯାଇଅଛି ।
କ୍ର.ସଂ. | ଉତ୍ପାଦନର ନାମ/ ପ୍ରକ୍ରିୟା | ଏକକ ସଂଖ୍ୟା | ଭୌଗୋଳିକ ଅଞ୍ଚଳ |
---|---|---|---|
୧. | କାଜୁ ପ୍ରକ୍ରିୟାକରଣ ସମୂହ | ୭୬ | ଗଞ୍ଜାମ ଜିଲ୍ଲାର ଗଞ୍ଜାମ, ଖଲ୍ଲିକୋଟ, ଛତ୍ରପୁର, ରଙ୍ଗେଇଲୁଣ୍ଡା ବ୍ଲକ୍ |
୨. | କିଆ ପ୍ରକ୍ରିୟାକରଣ ସମୂହ | ୧୫୦ | ଗଞ୍ଜାମ ଜିଲ୍ଲାର ରଙ୍ଗେଇଲୁଣ୍ଡା, ଛତ୍ରପୁର ଏବଂ ଚିକିଟି ବ୍ଲକ୍ |
୩. | ଗ୍ରାନାଇଟ୍ ପ୍ରକ୍ରିୟାକରଣ ସମୂହ | ୩୬ | ଗଞ୍ଜାମ ଜିଲ୍ଲାର କୁକୁଡ଼ାଖଣ୍ଡି, ରଙ୍ଗେଇଲୁଣ୍ଡ, ଏବଂ ଦିଗପହଣ୍ଡି ବ୍ଲକ୍ |
୪. | ଆୟୁର୍ବେଦିକ ସମୂହ | ୩୮ | ଗଞ୍ଜାମ ଜିଲ୍ଲାର ଆସ୍କା, କବିସୂର୍ଯ୍ୟନଗର ଏବଂ ବ୍ରହ୍ମପୁର |
୫. | ଚାଉଳ କଳ ସମୂହ | ୩୭୪ | ବ୍ରହ୍ମପୁର, ରଙ୍ଗେଇଲୁଣ୍ଡ, କୁକୁଡ଼ାଖଣ୍ଡି, ହିଞ୍ଜିଳିକାଟୁ, ଛତ୍ରପୁର, ଦିଗପହଣ୍ତି, ସାନଖେମୁଣ୍ଡି, ଖଲ୍ଲିକୋଟ୍ |
କାଜୁ ପ୍ରକିୟାକରଣ ସମୂହ
ସମଗ୍ର ଜିଲ୍ଲାରେ ୭୬ ରୁ ଅଧିକ କାଜୁ ପ୍ରକ୍ରିୟାକରଣ ସମୂହକୁ ଉତ୍ସାହିତ କରାଯାଇଅଛି । ଏହି ପ୍ରକ୍ରିୟାର ଶିଳ୍ପରେ ମୋଟ ଉତ୍ପାଦନ ଓ କାରବାର ୫,୦୦ ମେଟ୍ରିକ୍ ଟନ୍, ଉତ୍ପାଦିତ କାଜୁ ମଞ୍ଜିର ହାରାହାରି ମୂଲ୍ୟ ୧୦୦.୦୦ କୋଟି ଟଙ୍କା, ଏହି କାଜୁ ପ୍ରକ୍ରିୟାକରଣ ସମୂହ ଦ୍ୱାରା ୭୨୦୦ ଜଣଙ୍କ ନିମନ୍ତେ ନିଯୁକ୍ତିର ସୂଯୋଗ ସୃଷ୍ଟି କରାଯାଇଅଛି । ସଦର ମହକୁମା ରମ୍ଭାଠାରେ ଏକ ସ୍ପେସିଆଲ୍ ପରପୋଜ୍ ଭେଇକ୍ଲ୍ (ଏସ୍ପିଭି) ଗଠନ କରାଯାଇଛି, ଯାହା ‘ଜଗନ୍ନାଥ କାଜୁ ସମୂହ’ ନାମରେ ପରିଚିତ । ସଂପ୍ରତି ୧୧,୦୦୦ ମେଟ୍ରିକ୍ ଟନ୍ କାଜୁ ମଞ୍ଜି ଉତ୍ପାଦନ ସମୂହ (୪ଟି ବ୍ଲକ୍ର ୩୦ କି.ମି ବ୍ୟାସାର୍ଦ୍ଧ ଅଞ୍ଚଳରେ)ପରିବ୍ୟାପ୍ତ । ବର୍ତ୍ତମାନ ସମୟରେ ୩୦୦୦ ମେଟ୍ରିକ୍ ଟନ୍ କାଜୁ ଶସର କାରବାର ହେଉଅଛି । ଯାହାର ବଜାର ମୂଲ୍ୟ ୭୫.୦୦ କୋଟି ଟଙ୍କା । ସ୍ପେସିଆଲ୍ ପରପୋଜ୍ ଭେଇକ୍ଲ୍ (ଏସ୍ପିଭି) ସମୂହରେ ଥିବା ମୃଦୁ ଓ ଦୃଢ ଉତ୍ପାଦନ ବିଷୟକ ପ୍ରକଳ୍ପ ତଥ୍ୟ ସମୂହରେ ଦାଖଲ କରିଛନ୍ତି । ମୃଦୁ କାର୍ଯ୍ୟକଳାପ ନିମନ୍ତେ ଆର୍ଥିକ ସହାୟତା ମିଳିବା ପରେ ଯୋଜନା ମୁତାବକ୍ କାର୍ଯ୍ୟକ୍ରମମାନ କରାଯିବ ।
କିଆ ପ୍ରକିୟାକରଣ ସମୂହ
ସାଂପ୍ରତିକ ସମୟରେ ୧୫୦ ସଂଖ୍ୟକ କିଆଫୁଲ ନିର୍ଯ୍ୟାସ ଉତ୍ପାଦନ ୟୁନିଟ୍ ସମଗ୍ର ଜିଲ୍ଲାରେ କାର୍ଯ୍ୟକରୁଅଛି। ଏହାଦ୍ୱାରା ପାଖାପାଖି ୩୦୦୦ ଜଣଙ୍କୁ କିଆ ତେଲ, ଅତର ଏବଂ କେଓଡ଼ାପାଣି ଉତ୍ପାଦନରେ ନିୟୋଜିତ କରାଯାଇଅଛି । ବଜାର ଚାହିଦା ବୃଦ୍ଧି ଏବଂ ଉତ୍ପାଦନରେ ବିଭିନ୍ନ ବୈଷୟିକ ପରିବର୍ତ୍ତନ ଲାଗି ନିର୍ଣ୍ଣାୟକ ଆଲୋଚନାତ୍ମକ ତଥ୍ୟ ପ୍ରସ୍ତୁତ କରାଯାଇ ଏହାର କାର୍ଯ୍ୟକାରୀ ଦିଗରେ ପଦକ୍ଷେପମାନ ନିଆଯାଉଅଛି । କେଓଡ଼ା ଶିଳ୍ପ ଲାଗି ବୈଷୟିକ ସହାୟକ କେନ୍ଦ୍ର ବି/୧ ଓ ୨ ଶିଳ୍ପାଞ୍ଚଳ, ବ୍ରହ୍ମପୁର ଠାରେ କେଓଡ଼ାର ସୁବାଷିତ ଗୁଣ ବୃଦ୍ଧି କରିବା କ୍ଷେତ୍ରରେ କାର୍ଯ୍ୟ କରୁଅଛି । ବର୍ତ୍ତମାନ କେୱଡାର ବଜାର କାରବାର ୮୧.୫୦ କୋଟି ଟଙ୍କା । ସ୍ପେସିଆଲ୍ ପରପୋଜ୍ ଭେଇକ୍ଲ୍ (ଏସ୍ପିଭି) ଯାହା ‘ଗଞ୍ଜାମ କେଓଡ଼ା ଡେଭଲପ୍ମେଣ୍ଟ ଟ୍ରଷ୍ଟ୍’ ନାମରେ ଗଠନ କରାଯାଇଅଛି, ଏହାର କାର୍ଯ୍ୟାଳୟ ହିଲ୍ପାଟଣା, ବ୍ରହ୍ମପୁରରେ ଅବସ୍ଥିତ । ଏହି ଟ୍ରଷ୍ଟ ଭାରତୀୟ ଟ୍ରଷ୍ଟ ଆଇନ୍୧୯୮୨ ନିୟମ ଅନ୍ତର୍ଗତ ଉତ୍ପାଦନ ସମୂହର ଏକତ୍ର ବନ୍ଧନ ଏବଂ ବ୍ୟବସାୟ କରୁଅଛି । କେଓଡ଼ା ଫୁଲ ଏବଂ କେଓଡ଼ା ରସ ଉତ୍ପାଦନ ନିମନ୍ତେ ଗଞ୍ଜାମ କେଓଡ଼ା ଉତ୍ପାଦନ ଉନ୍ନୟନ ଟ୍ରଷ୍ଟ ଭୌଗୋଳିକ ନିର୍ଦ୍ଧାରଣ ସଂଖ୍ୟା ୨୨୮ ଦ୍ୱାରା ସମ୍ବର୍ଦ୍ଧିତ ହୋଇଅଛି । ମୃଦୁ ଏବଂ ଦୃଢ ଉତ୍ପାଦନ ବିଷୟରେ ସବିଶେଷ ପ୍ରକଳ୍ପ ତଥ୍ୟ କାର୍ଯ୍ୟ ଚାଲୁରହିଅଛି ।
ଗ୍ରାନାଇଟ୍ ପ୍ରକ୍ରିୟାକରଣ ସମୂହ
ବାଇଗଣି ନୀଳ ରଙ୍ଗର ଗ୍ରାନାଇଟ୍ ଗଞ୍ଜାମ ଜିଲ୍ଲାରେ ଉପଲବ୍ଧ ହେଉଅଛି । ଗଞ୍ଜାମ ଜିଲ୍ଲାର କୁକୁଡ଼ାଖଣ୍ଡି, ଦିଗପହଣ୍ଡି ଏବଂ ରଙ୍ଗେଇଲୁଣ୍ଡା ବ୍ଲକ୍ମାନଙ୍କରେ ଗ୍ରାନାଇଟ୍ ପ୍ରସ୍ତୁତି ପ୍ରକ୍ରିୟା ତ୍ୱରାନ୍ୱିତ ହୋଇଅଛି । ଏକ ସମୟରେ ୩୬ଟି ଗ୍ରାନାଇଟ୍ ସ୍ଲାବ୍ରୁ ଅଧିକ ଗ୍ରାନାଇଟ୍ କଟା ଓ ପଲିସ୍ ୟୁନିଟ୍ ଏହି ଅଞ୍ଚଳରେ ଦେଖିବାକୁ ମିଳିଥାଏ ଏବଂ ଅନ୍ୟ ୧୦-୧୫ ଟି ୟୁନିଟ୍ ଏହି ଜିଲ୍ଲାରେ ସ୍ଥାପନ କରାଯିବାର ଯୋଜନା ରହିଅଛି । ସମଗ୍ର ଜିଲ୍ଲାରେ ଗ୍ରାନାଇଟ୍ କଟିଂ ଏବଂ ପଲିସିଂ ଶିଳ୍ପର ବୈଧତା ଓ ଯାନ୍ତ୍ରିକ ତ୍ରୁଟି ବିଷୟକ ଆଲୋଚନା ଅନୁଷ୍ଠିତ ହୋଇଥିବାର ସୂଚନା ଡିଆଇ, ଓଡ଼ିଶାଙ୍କ ନିକଟରେ କାର୍ଯ୍ୟାଳୟ ପତ୍ର ସଂଖ୍ୟା ୧୩୦୨, ତା. ୦୫/୦୫/୨୦୧୦ ରିଖରେ ଦାଖଲ କରାଯାଇଅଛି । ଭାରତୀୟ ନ୍ୟାସୀତ୍ୱ ନିୟମ ସଂଖ୍ୟା ୨୨୬, ତା. ୧୮/୦୨/୨୦୧୦ ଅନୁଯାୟୀ ଏସପିଭି ଗଠିତ ହୋଇଛି । ମୃଦୁ ଏବଂ କଠିନ ଅଂଶ ବିଷୟକ ପ୍ରକଳ୍ପର କାର୍ଯ୍ୟ ଚାଲୁଅଛି ।
ଆୟୁର୍ବେଦିକ ସମୂହ
୩୮ ଟି ଆୟୁର୍ବେଦିକ ଉତ୍ପାଦନ ୟୁନିଟ୍ ସମଗ୍ର ଜିଲ୍ଲାରେ ସ୍ଥାପନ କରାଯାଇଅଛି ଏବଂ ଏହି ଆୟୁର୍ବେଦିକ ସମୂହକୁ ‘ୠଷିକୂଲ୍ୟା ଆୟୁର୍ବେଦିକ ସମୂହ’ ନାମରେ ଏସ୍ପିଭି ଗଠନ କରାଯାଇଅଛି । ପରୀକ୍ଷା କରିବା ନିମନ୍ତେ ପରୀକ୍ଷାଗାର, କଞ୍ଚାମାଲ୍ ଗଚ୍ଛିତ କରିବା ନିମନ୍ତେ ଭଣ୍ଡାର ଇତ୍ୟାଦିର ନିର୍ମାଣ ପ୍ରକଳ୍ପ ଲାଗି ଆର୍ଥିକ ସହାୟତା ସମୂହ ଉନ୍ନତିକରଣ କାର୍ଯ୍ୟକ୍ରମ ଅନ୍ତର୍ଗତ ପ୍ରସ୍ତାବ ପ୍ରସ୍ତୁତ କରି ଭାରତ ସରକାର (ଆୟୁଷ)ଙ୍କ ନିକଟରେ ଦାଖଲ କରାଯାଇଅଛି । ପ୍ରଥମ କିସ୍ତୀରେ ଟ.୨.୨୦ କୋଟି ଗୃହଆଦି ନିର୍ମାଣଲାଗି ଗ୍ରହଣ କରାଯାଇଅଛି ।
ଚାଉଳ କଳ ସମୂହ
ଗଞ୍ଜାମ ଜିଲ୍ଲା ଅନ୍ତର୍ଗତ ବ୍ରହ୍ମପୁର ଓ ଛତ୍ରପୁର ସବ୍ଡ଼ିଭିଜନ୍ରେ ଚାଉଳ କଳ ସମୂହ ବିଷୟକ ଅନୁଶୀଳନ ସମ୍ବନ୍ଧୀୟ ନିର୍ଣ୍ଣୟ ଲାଗି ଏପିଟ୍କୋ, ବ୍ରହ୍ମପୁରଙ୍କୁ ଦାୟିତ୍ୱ ନ୍ୟସ୍ତ କରାଯାଇଅଛି । ଏହି ସଂସ୍ଥା ଉପରୋକ୍ତ ସମୂହପାଇଁ ବିଭିନ୍ନ ଅର୍ଥ ଜମାକାରୀ ସଂସ୍ଥାଙ୍କ ସହିତ ବିଭିନ୍ନ ସମୟରେ ଭିନ୍ନଭିନ୍ନ ମିଟିଂରେ ଆଲୋଚନା କରିଛନ୍ତି । ବୈଧ ଅନୁଶୀଳନାତ୍ମକ ତଥ୍ୟ ଶିଳ୍ପ ନିର୍ଦ୍ଦେଶକ, ଓଡ଼ିଶାଙ୍କ ନିକଟରେ ଦାଖଲ କରାଯିବ ।
ହସ୍ତଶିଳ୍ପ ଏବଂ କୁଟୀରଶିଳ୍ପ :
ଗଞ୍ଜାମ ଜିଲ୍ଲା ର ମୁଖ୍ୟ ହସ୍ତଶିଳ୍ପ ଗୁଡିକ ହେଲା ପିତ୍ତଳ ଓ ରସ ବାସନ,ଗୁଆ ରୁ ନିର୍ମିତ ହସ୍ତଶିଳ୍ପ ଦ୍ରବ୍ୟ, ଚାନ୍ଦୁଆ ଓ କଣ୍ଢେଇ ବସ୍ତ୍ର ଆଦି ।
ବେଲଗୁଣ୍ଠା ଅଞ୍ଚଳ ରେ ନିର୍ମିତ ନମନୀୟ ପିତ୍ତଳ ମାଛ ହେଉଛି ଗଞ୍ଜାମ ଜିଲ୍ଲା ର ଅଦ୍ଵିତୀୟ ହସ୍ତଶିଳ୍ପ କଳା ଅଟେ ।
କ୍ରମିକ ସଂଖ୍ୟା | କାର୍ଯ୍ୟ ର ପ୍ରକାର | ସ୍ଥାନ ନାମ |
---|---|---|
୧ | ନମନୀୟ ପିତ୍ତଳ ମାଛ | ବେଲଗୁଣ୍ଠା |
୨ | ପିତ୍ତଳ ଓ ରସ ବାସନ | ପାତ୍ରପୁର , କବି ସୂର୍ଯ୍ୟ ନଗର ଏବଂ ଜଗମୋହନ |
୩ | ଚାନ୍ଦୁଆ ଓ କଣ୍ଢେଇ ବସ୍ତ୍ର | ଧରାକୋଟ ,ଖଲ୍ଲିକୋଟ ,ବ୍ରହ୍ମପୁର, ବୁଗୁଡ଼ା , କାଞ୍ଚନ ଓ ପୁରୁଷୋତ୍ତମପୁର |
୪ | ଗୁଆ ରୁ ନିର୍ମିତ ହସ୍ତଶିଳ୍ପ ଦ୍ରବ୍ଯ | ବ୍ରହ୍ମପୁର |
୫ | ପଥର ଖୋଦେଇ | ମଥୁରା |
୬ | ପଟ୍ଟଚିତ୍ର | ଚିକିଟି |
୭ | ରେଶମ ଶାଢୀ | ବ୍ରହ୍ମପୁର, ବୋମିକୋଇ |
୮ | ଶାମୁକା ଜାତ ଦ୍ରବ୍ଯ | ବ୍ରହ୍ମପୁର ଓ ଗୋପାଳପୁର |
୯ | କଣ୍ଢେଇ ଓ କାଚ ଗୁଲି | ବ୍ରହ୍ମପୁର ଓ ଧରାକୋଟ |
୧୦ | ଢୋକରା ଢଳେଇ | ଧରାକୋଟ ଓ ଜଗନ୍ନାଥପ୍ରସାଦ |
୧୧ | ନଡିଆକତା ଦ୍ରବ୍ୟ | ଗୋପାଳପୁର, ଗୋଳାବନ୍ଧ, ରମ୍ଭା, କଳାବାଡ, ନରେନ୍ଦ୍ରପୁର ଓ ବ୍ରହ୍ମପୁର |
୧୨ | ଚମଡା | ବ୍ରହ୍ମପୁର ଓ ଭଞ୍ଜନଗର |
୧୩ | କିଆ ଫୁଲ ଅତର | ଟୁଲୁ, ଛତ୍ରପୁର ଓ ଗୋପାଳପୁର |
୧୪ | ଅଳଙ୍କାର | ଆସ୍କା ଓ ବ୍ରହ୍ମପୁର |
୧୫ | ଚୂନ | ବ୍ରହ୍ମପୁର, ରଙ୍ଗେଇଲୁଣ୍ଡା ଓ ଖଲ୍ଲିକୋଟ |
୧୬ | କାଜୁ ପ୍ରକ୍ରିୟାକରଣ | ଛତ୍ରପୁର, ରମ୍ଭା, ଗଞ୍ଜାମ |
୧୭ | ଖଲିପତ୍ର ଥାଳି | ବେଲଗୁଣ୍ଠା, ଭଞ୍ଜନଗର, ପାତ୍ରପୁର, ଚିକିଟି ଓ ପୁରୁଷୋତ୍ତମପୁର |
୧୮ | ହସ୍ତତନ୍ତ / ଶକ୍ତି ଚାଳିତ ତନ୍ତ | ହିଞ୍ଜିଳିକାଟୁ, ଦିଗପହଣ୍ଡି, ଶେରଗଡ, ପାତ୍ରପୁର, ପୁରୁଷୋତ୍ତମପୁର, କୁକୁଡାଖଣ୍ଡି |
୧୯ | ଲୁଣ | ଗଞ୍ଜାମ |
୨୦ | ବେତ | ବ୍ରହ୍ମପୁର |
୨୧ | କାଠ ଖୋଦେଇ | ସାନଖେମୁଣ୍ଡି ମଣ୍ଡଳ |
କତା ଶିଳ୍ପ
କତା କାରିଗରୀରେ ନିପୂଣ କାରିଗରମାନଙ୍କ କୌଶଳକୁ ବୃଦ୍ଧି କରିବା ଉଦ୍ଦେଶ୍ୟରେ ଗୋଳାବନ୍ଧ ନିକଟରେ ୨୦ ପ୍ରଶିକ୍ଷାର୍ଥୀ କ୍ଷମତା ବିଶିଷ୍ଟ ଗୋଟିଏ ଉପକେନ୍ଦ୍ର କାର୍ଯ୍ୟ କରୁଅଛି । ଯେଉଁଠାରେ କତା ଶିଳ୍ପ ବିଷୟକ ପ୍ରଶିକ୍ଷଣ ତଥା-ପ୍ରଦର୍ଶନ ତଥା- ଚାକିରୀ ବିଷୟକ ପ୍ରଶିକ୍ଷଣ ଦିଆଯାଉଅଛି । ପ୍ରଶିକ୍ଷଣର ସମୟସୀମା ହେଉଛି ୬ ମାସ ଏବଂ ପ୍ରତ୍ୟେକ ପ୍ରଶିକ୍ଷାର୍ଥୀଙ୍କୁ ମାସିକ ଟ.୫୦୦ ଛାତ୍ରବୃତ୍ତି ପ୍ରଦାନ କରାଯାଉଅଛି । ସଂପ୍ରତି କତାଶିଳ୍ପରେ ନିପୂଣ ୭୫ ଜଣ ମହିଳା କାରିଗର(ପାଞ୍ଚଟି ସ୍ୱୟଂସହାୟକ ଗୋଷ୍ଠୀ)ଙ୍କ କତାଶିଳ୍ପର ଉନ୍ନତିକରଣ ବିଷୟକ କାର୍ଯ୍ୟକ୍ରମ ବ୍ରହ୍ମପୁର ପୌରପାଳିକା ଅଞ୍ଚଳରେ ଅନୁଷ୍ଠିତ ହୋଇଯାଇଛି । ଏହାବ୍ୟତୀତ ‘କତାଶିଳ୍ପର ଥଇଥାନ’ ଯୋଜନା ଅନ୍ତର୍ଗତରେ ୧୫ ଜଣ କୁଶଳୀ କତାଶିଳ୍ପୀଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଛି ।
ଲବଣ ଶିଳ୍ପ
ହୁମ୍ମା ଅଞ୍ଚଳରେ ୧୦ ଏକର ପରିମିତ ସ୍ଥାନରେ ରାଜ୍ୟ ସରକାର ଏବଂ ଲବଣ ବିଭାଗ, ଭାରତ ସରକାରଙ୍କ ଆର୍ଥିକ ସହାୟତାରେ ଏକ ଆଦର୍ଶ ଲବଣ ଫାର୍ମ ସ୍ଥାପନ କରାଯାଇଅଛି । ଏହି ପ୍ରକଳ୍ପ ସିଏସ୍ଏମ୍ଆର୍ଆଇ, ଭାବାନଗର ଏବଂ ଗୁଜୁରାଟଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ଯ୍ୟକାରୀ ହେଉଅଛି । ଏତଦ୍ବ୍ୟତୀତ ୨୩୪ ସଂଖ୍ୟକ ହିତାଧିକାରୀ ଚିହ୍ନଟ ହୋଇ ‘ନମକ୍ ମଜଦୁର ଆୱାସ ଯୋଜନା’(ଏନ୍ଏମ୍ଏୱାଇ) ଅନ୍ତର୍ଗତ ଆବାସ ପାଇଛନ୍ତି । ସେମାନଙ୍କ ମଧ୍ୟରୁ ୨୧୭ଟି ଘର ସମ୍ପୂର୍ଣ୍ଣ ହୋଇଅଛି । ଏହାବାଦ ୧୦୭ ଜଣ ହିତାଧିକାରୀଙ୍କୁ ଏକାଦଶ ପଞ୍ଚବାର୍ଷିକ ଯୋଜନା ଅନ୍ତର୍ଗତଏନ୍ଏମ୍ଏୱାଇ ଗୃହ ପାଇବାଲାଗି ଚିହ୍ନଟ କରାଯାଇଅଛି । କେନ୍ଦ୍ର ସରକାରଙ୍କ ନିକଟରୁ ଅନୁମତି ପାଇବାପରେ ଏହି ଗୃହ ନିର୍ମାଣ କାର୍ଯ୍ୟ ପ୍ରାରମ୍ଭ ହେବ ।
ପଞ୍ଚାୟତ ସମିତି ଶିଳ୍ପାଞ୍ଚଳ
ଜିଲ୍ଲାରେ ଏକମାତ୍ର ପଞ୍ଚାୟତ ସମିତି ଶିଳ୍ପ (ପିଏସ୍ଆଇ) ରହିଅଛି । ଯାହା ‘ମହାବୀର କାରପେଣ୍ଟରୀ ଇଣ୍ଡଷ୍ଟ୍ରିୟାଲ କୋ-ଅପରେଟିଭ ସୋସାଇଟି ଲିଃ’ ନାମରେ ଛତ୍ରପୁର ଅଞ୍ଚଳରେ ସନ୍ତୋଷଜନକ ଭାବରେ କାର୍ଯ୍ୟକରୁଅଛି । ଏହି ସଂସ୍ଥାରେ କାଠ ଆସବାବପତ୍ର, କବାଟ, ସଟର୍ ଏବଂ ଏମ୍ଏସ୍ ଜିନିଷମାନ ନିର୍ମାଣ କରାଯାଉଅଛି । ଏଠାରେ ୪୨ ଜଣ କାରିଗର କାର୍ଯ୍ୟକରୁଛନ୍ତି । ଏହାର ଉତ୍ପାଦନ ଏବଂ ବିକ୍ରୟ କାରବାର ବିଷୟକ ଏକକ ନିମ୍ନରେ ପ୍ରଦତ୍ତ-
୨୦୧୨ ଉତ୍ପାଦନ କାରବାର (ଟଙ୍କାରେ) ୧୨୧୦୭୫୮, ବିକ୍ରୟ କାରବାର (ଟଙ୍କାରେ)୧୦୩୭୨୪୫, ସମୂଳ ଲାଭ (ଟଙ୍କାରେ)୮୬,୬୧୮ ।
ମୁଖ୍ୟ କାର୍ଯ୍ୟାଳୟ ଠିକଣା
ସାଧାରଣ ପରିଚାଳକ, ଜିଲ୍ଳା ଶିଳ୍ପାଞ୍ଚଳ, ଗଞ୍ଜାମ, ବ୍ରହ୍ମପୁର
ସା.-ଶିଳ୍ପାଞ୍ଚଳ, ଆଙ୍କୁଲି, ବ୍ରହ୍ମପୁର, ଡାକ- ବ୍ରହ୍ମପୁର
ଡାକ ସଂଖ୍ୟା-
ଗଞ୍ଜାମ, ଓଡ଼ିଶା, ଭାରତ
ଦୂରଭାଷ-୦୬୮୦-୨୨୯୦୭୧୫, ଫ୍ୟାକ୍ସ-୦୬୮୦-୨୨୯୦୭୧୪
ଇମେଲ୍-dicgan@nic.in